Абагульненне па раздзеле «Чалавек» 1. Дайце азначэнні наступным паняццям: асоба, воля, здольнасці, індывід, індывідуальнасць, самаацэнка, светапогляд, свядомасць, тэмперамент, характар, эмоцыі. 2. Пералічыце спосабы кіравання эмоцыямі і прыёмы развіцця валявых якасцей асобы. Як яны ўзаемазвязаны? 3. Запоўніце табліцу «Біялагічнае і сацыяльнае ў чалавеку». Выкарыстайце наступныя паняцці: асоба, воля, дзейнасць, задаткі, здольнасці, індывід, індывідуальнасць, інстынкты, паводзіны, праца, прыстасаванне, псіхіка, самаацэнка, светапогляд, свядомасць, тэмперамент, характар, эмоцыі. З якімі паняццямі і чаму ўзніклі цяжкасці? 4. Прывядзіце прыклады дзеянняў або праяў розных тыпаў тэмпераменту, характару і ўзроўняў самаацэнкі. 5. Прачытайце тэксты, вылучыце ў іх асноўныя паняцці і выкарыстайце іх у якасці асновы для стварэння новага тэксту. Прыдумайце загаловак, які б не толькі адлюстроўваў галоўную думку тэксту, але і прыцягваў увагу да яго. Тэкст 1 Фізіялагічная аснова паводзінаў індывіда ахопліваецца паняццем «тэмперамент», а сацыяльна абумоўленая сфера яго паводзінаў — паняццем «характар». У станаўленні характару істотную ролю адыгрывае асяроддзе, а таксама вырашальныя абставіны, што ўзнікаюць на жыццёвым шляху чалавека