4-тапсырма. Мәтінді оқыңдар. Автордың ойымен келісесіңдер ме? Өз ойларыңды білдіріңдер. Елімізде Үкімет тарапынан отбасыға, әйелдерге, жетім балаларға қамқорлық жасалып жатыр. Жәрдемақы мөлшері жыл сайын өсіп келеді. Қазір ауылда алты-жеті баланың өзі сиреп кетті. Осыны ескерген Үкімет алты-жеті балалы аналарды «Күміс алқа», «Алтын алқа» төсбелгілерімен марапаттап жатыр. Бірақ батыр аналарға беріліп отырған жәрдемақы көңіл көншітпейді. Қалада тұратын әйелдердің төрт-бес бала былай тұрсын, екі-үш бала тууы екіталай. Сондықтан қала әйелдерін ынталандыруды қолға алу керек. Ол үшін төртінші, бесінші баланы туған аналарға да марапат беруді ойластырғанымыз жөн болар. Сонымен бірге әлеуметтік жеңілдіктер қарастырылуы тиіс. Ал он баладан артық туған аналарды екінші рет «Алтын алқа» төсбелгісімен марапаттап, арнайы мәртебе беру керек. Тіпті кезексіз тегін үймен қамтамасыз етсек те артық болмас. М.Тәтімов