Сыфат, айтымда къаллай? неллай? деген соруулагъа джууаб этиб, затны айгъакълаб келсе, айтымны ачыкъ-лаучу сансыз члени болады. Сёз ючюн: Къаллай атаны? Ашхы атаны. Къаллай ананы? - Иги ананы. Сыфат, къаллайды? неллайды? деген соруулагъа джу-уаб этиб, башчы бла сёзтутуш къураб келсе, айтымны хапарчысы болады. Сёз ючюн: Огъурлу адамны иши къал-лайды? Иши огъурлуду. Иши - башчы, огъурлуду - ха-парчы. Сыфатдан хапарчы къурар ючюн, сыфатны тамалы-на -ды, -ди, -ду, -дю джалгъаула джалгъанадыла: аман-ды, ашхы-ды, иги-ди, огъурлу-ду, кёксюл-дю. Сыфат, атны магъанасында джюрютюлсе, атны къул-лугъун толтурады. (Бу теманы алтынчы классда окъурукъсуз). 279-къ. Берилген айтымлада сыфатны, айтымгъа член болгъаны-на кёре, тюбюн сызыгъыз (~~~ – ачыкълаучу, _______ - хапарчы).