Бирок күндөрдүн биринде батирдин ээсине бир жагымсыз аял келди. Ал эртеден кечке батирди жыйнады, чычкан шкафтагы текчеден быштак менен нанды таппай калды. Баягы жагымсыз аял баарын жыйнап, муздаткычка салып таштаптыр. Быштак менен нан эртеси күнү да, бир жумадан кийин да, бир айдан кийин да табылбады. Беш ай бою аял баарын муздаткычка салып коюп жүрдү. Ошентип чычкан камини бар батирге жолду унутту. Кыш келип, суук түштү. Көчөдөн тамак табуу кыйындады. Кыштын ызгаар кечтеринин бири эле. Кар жаап жаткан. Чычкандын курсагы абдан ачты. Курсагы кабырылып, кечинде баягы камини бар батирге бармай болду. Адаттагысындай эле каминдин жанында отуруп, гезит окуган кишини чычкан көпкө карап турду. Аны көргөндө сыр менен нан берет деп үмүттөнүп, көпкө күттү. Бир маалда тиги киши гезитин окуп бүтүп, ашканага барып, кечки тамагын даярдай баштады. Ал ошол жерден чычканды көр- дү да: Сен бул жакта эмне кылып жүрөсүң? деп сурады. Мен сени чакырган эмесмин. Чычкан көптөн бери эч нерсе жебей, курсагы аябай ачканын айтып бергиси келди, бирок кантип айтып берерин билбей турду. Ал адамча сүйлөй албады. Үй ээси тамагын даярдап бүттү. Бул абдан даамдуу тамак болчу: нан жана быштак. Ах, кичинекей чычкан ушул быштак менен нанды кандай жакшы көрөт! «Муну буга кантип айтсам? деп ойлонду чычкан. Же кооз кагаз алып келсем кандай болот болду экен? Мен аны төмөн жактан, жертөлөдөн көргөм». Киши абдан боорукер эле. Ал ачка чычканга боору оруп, бир аз быштак менен нан берди. Чычкан абдан кубанды. Ал баарын тез жеп бүтүп: «Мен сага белек кылгым келип турат», — деп жертөлөнү карай чуркап кетти. Киши болсо, албетте, эч нерсеге түшүнгөн жок, себеби чычкандын тилин билчү эмес. Мен сага өзүмдө бол- Отуз мүнөт чамасында чычкан кайрылып келди. «Сен кайра келдиңби? деди үй ээси. гондун баарын бердим. Дагы эмнени каалайсың?» Чычкан болсо ага кооз, жашыл кагаз алып келди. Бул анын белеги эле. Киши кагазды алды. Ал 100 долларлык банкнот болчу. «Оо, кудай! Сен муну кайдан алдың?! Кайдан алып келдиң?!» деп таң калды үй ээси. 195